ابوذيات (واحد يغازل حبيبته )

هاي واحد يغازل محبوبته)
حلو يلشعرچ مفلفل فلافل
وحك عيناج عن حبچ فلافل
ولو العشرةوياج صمون وفلافل
دجاج تصير ومطبك سويه

احلــى زرع الكََِـــاع وردها
مثل الماي دمي مشة ب وردها
افضالــك عليـة هواي وردها
ولا تسويها منة علية

زماني مارحم بيه ولدعم
وبعد ماوجد الاحمر ولدعم
اباوع بزلم مامش ولدعم
ولاصاحب رقيق يحن عليا

اعذرني والوكت عنك لهاني ..
بعـزاك الزاد الي ابدا لهاني
تفر من البدن روحي لهــاني ..
بسبب ما شالت التابوت هيه

سفح دمعي على الوجنه محرم ..
على اليومه شبه يوم المحرم
بيا مذهب لثم خـــــــــده محرم ..
وسفك دمـــي مباح بغير ديه

بعض الابيات للشاعر محمد رحيمه الطائي
عشرتك روحي صـــــــــــــدك .. ماتملها ........ ( لاتملها )
وكلبي ايام سعـــــــــــــــدك .. ماتملها .......... ( لم يصل اليها )
اريد انصب لروحــــــــــــــــي .. ماتملها .......... ( مأتم لها )
واشوفك هم تجي وتبجي عليه

لو رأساً تكول ارجــــــــــوك .. هدنــــه .......... ( اتركنا )
وتعاركني وتريد ويــــــــاي .. هدنـــه ........... ( الهدنه )
ولك والله العشك ويـــــــــاك .. هدنـــه ........... ( اتعبنا )
مريض اني تعال اسأل عليه

لأن ماريد اشوفك يــــــــــوم .. حزني ........... ( الحزن )
وتدري ابسيف هجــــــرك ولك .. حزني ......... ( ذبحني )
كلبك انت وحــــــــــــدك الي .. حزني ............ ( حازني )
( وحيازة وحمل ) سلمتك بديه

انتهت

وحك كل حرف بالقران.........منزل
ثبت حبك بلب حشـاي.........منزل
بموك العين الك لو جيت.......منزل

رغما على الحســـود الشمت بيه

يهل تقســم عظيم القســم........قســماك
خايف بالصــدود تنـول............قســماك
الواشـي من يريد شـظاظ..........قســماك

يبعـدك عن هــــواك بلا تقيــه
اتمنى تنال رضاكم
منير الحب

» ابوذيات
» ابوذيات غزل
» ابوذيات روعه
» ابوذيات رهيبة
» كم واحد منا يقوم الليل؟؟؟