حــــبـــيـــتـــك بـــروحـــي

[size=18]

حبيتك بروحي وماحجيت وياك
لان خفت من اكلك تبتعد عني
وضميتك بكلبي وماكلت للناس
ورضيت ابقى بعذابي ولوعتي ووني
بس لشوكت اصبر والصبر محدود
وانت بنظرتك يومية تكتلني
معروف اليحب بس الكلب ينطيه
بس انت شلع من عندي ماخذني
على جروح الكلب تتمشه من تفوت
ومن دمعات عيني جفوفك تحني
بعيونك سوالف بيه الف تفسير
وحرت يا نظرة بيهن انت تقصدني
متى تحس بعذابي ومثلي كون تعيش
ليش انه الوحيد الشوك ياكلني
وليش انه انهضم واتحمل اللوعات
وانت بكل وكت مرتاح وتغني
لازم تستمعلي وتفتهم مني
وراها بكيفك انت تقرر وتختار
لو تبنيني بيدك لو تهدمني

[/size]

الله الله
كلمات خارجه من القلب
مميزه بمعانيها ومشاعرها واحاسيسها الراقيه
عاشت ايدج عيوني لؤلؤ
الله لايحرمنه منج ولامن ابداعج